कोहलपुर। बाँकेको कोहलपुरबाट मोटरसाइकल चोरीमा संलग्न तीन जनालाई प्रहरीले पक्राउ गरेको छ । रुकुम पश्चिमको चौरजहारी नगरपालिका–११ का १८ वर्षीय अनुप चन्द, २० वर्षीय सुन्दर मल्ल र १८ वर्षीय अम्मर बिकलाई बिहीवार विहान पौने तीन बजेतिर पक्राउ गरिएको इलाका प्रहरी कार्यालय कोहलपुरले जनाएको छ ।

कोहलपुर नगरपालिका–११ स्थित बसपार्कको पूर्वतर्फको सडकबाट चोरीको भे.३.प ६००४  नम्वरको डिस्कभर मोटरसाईकल सहित उनीहरु पक्राउ परेका हुन् । उक्त मोटरसाइकल चोरी भएको भन्दै पीडितले दिएको उजुरीका आधारमा प्रहरीले खोजी गर्दै जानेक्रममा उनीहरु प्रहरीको फन्दामा परेका हुन।