कोहलपुर । कोहलपुर नगरपालिका वडा न ८ को वडा कार्यालय भवन उद्घाटन गरिएको छ ।
५४ लाख ५१ हजार एक सय ६१ रुपैया लागतमा ६ कोठे वडा कार्यालयको भवन उद्घाटन गरिएको हो ।
वडा कार्यालयको भवन कोहलपुर नगरपालिका मेयर (एल्बी) लुट बहादुर रावत उप प्रमुख सन्जु कुमारी चौधरीले संयुक्त रुपमा उद्घाटन गरे ।
उद्घाटन कार्यक्रममा सम्बोधन गर्दै मेयर एल्बी रावतले नगरपालिकाले पूर्वाधारका आधारभूत आवश्यकताहरु पुरा गर्ने कार्यतर्फ क्रियाशिल रहेको बताए ।’उनले समग्र स्थानीय तहमा आफु आउँदा आधारभूत पूर्वाधार समेत नरहेको अवस्थामा विस्तारै स्तर उन्नत गर्दै समृद्ध नगर निमार्णमा स्थानीय सरकार प्रतिवद्ध रहेको बताए ‘।
रावतले नागरिकका आधारभूत आवश्यता स्वास्थ्य ,शिक्षाका क्षेत्रमा विगत ४ वर्षमा धेरै महत्वपूर्ण कार्य सम्पादन नगर सरकारले गरेको दावि गरे ।
उनले पर्यटन विकासका लागि नगरको गुरु योजना अनुसार भ्यू टावर निमार्ण पूर्वाधार विकास गर्दै आइरहेको बताएका थिए ।
उद्घाटन समारोहको अध्यक्ष कोहलपुर वडा न ८ का अध्यक्ष रेशम खत्रीले स्थानीय जनभावना अनुसार वडाले सेवा विस्तार गर्दे आइरहेको बताए । खत्रीले वडा न ८ को विकास बाटो निर्माण शिक्षाको गुणस्तरीय पूर्वाधार निमार्ण पर्यटन प्रवद्र्धन महिला शसक्तिकरण स्वरोगारका कार्यक्रमहरु संचालन गर्दै आइरहेको दावि गरे।
वडा कार्यालयको भवन उद्घाटन कार्यक्रममा वडा न ११ का अध्यक्ष कर्ण थापा वडा न ९ का वडा अध्यक्ष वडा न १४ का वडा अध्यक्ष कार्यापालिका सदस्य कर्मचारी समाजसेवि प्रहरी स्थानीय जनताहरुको सहभागितामा नवर्निमित भवनको उत्द्घाटन गरिएको थियो ।
