बाँके बैजनाथ । बैजनाथ गाउँपालिकाले वडा न ५,६,७ वडाहरु साक्षर घोषणा गरेको छ। सामाजिक विकास समितको आयोजनामा साक्षार वडा घोषणा गरिएको हो । घोषणा सभालाई सम्बोधन गर्दै बैजनाथ गाउँपालिका अध्यक्ष मान बहादुर रुचालले स्थानीय सरकारले समुदाय स्तरमा शैक्षिक मापन पुरा गरी सबै वडाहरु लाई साक्षर घोषणा अभियान सञ्चालन गरिने बताए ।
घोषणा सभामा बैजनाथ गाउँपालिका प्रमुख प्रशासकीय अधिकृत दान बहादुर ऐडीले नेपालमा साक्षार घोषणाको शुरुवात र यसको औचित्य बारे जानकारी गराए ।
साक्षर वडा घोषणा गरिने आधार माथी बैजनाथ गाउँपालिका शिक्षा शाखा प्रमुख विश्व राज ढकालले आफ्नो प्रस्तुति राखेका थिए ।
घोषणा सभालाई बैजनाथ गाउँपालिका उपाध्यक्ष शारदा रेग्मी विक राजनितिक दलका प्रतिनिधि शिक्षक महासंघ लगाएतले शुभकामना व्यक्त गरेका थिए ।’ भने सामाजिक विकास समितका संयोजक गुमान बहादुर दमाइको अध्यक्षता कार्यक्रम सम्पन्न गरिएको थियो ।
