बाँके\सुनको मूल्य फेरि बढेको छ। मंगलबार तोलामा आठ सय रुपैयाँले बढेको सुनको बुधबार पुन: ६ सय रुपैयाँले बढेको छ।

नेपाल सुनचाँदी व्यवसायी महासंघका अनुसार आज नेपाली बजारमा प्रति तोला सुनको मूल्य एक लाख १५ सय रुपैयाँ निर्धारण गरिएको छ।

अन्तर्राष्ट्रिय बजारमा नै मूल्य बढेकाले त्यसको प्रभाव नेपालमा पनि परेको हो।

यस्तै, आज चाँदीको मूल्य पनि बढेर तोलाको १४ सय रुपैयाँमा पुगेको छ। मंगलबार चाँदीको मूल्य तोलामा १३ सय ८० रुपैयाँ थियो। आज चाँदीको मूल्य २० रुपैयाँले बढेको हो।