बुटवल\ प्रमुख प्रतिपक्षी नेकपा एमालेका उपाध्यक्ष एवम् पूर्वउपप्रधानमन्त्री विष्णु पौडेलले एमाले सरकारमा रहँदा गरेका कामबारे जनतालाई बुझाउनुपर्ने बताएका छन्। एमाले लुम्बिनी प्रदेशस्तरीय संगठन व्यवस्थापन तथा परिचालन विषयक दुईदिने कार्यशालामा शनिबार मन्तव्य राख्दै पौडेलले यस्तो बताएका हुन्।
आगामी निर्वाचनमा पार्टीलाई विजयी बनाउन विगतमा गरेका राम्रा कामलाई जनस्तरमा पुर्याउने र अन्तरपार्टी व्यवस्थापन गर्ने काममा तत्काल लाग्नसमेत उनले नेता तथा कार्यर्तालाई निर्देशन दिए।
आगामी निर्वाचनमा कार्यक्षेत्रको सुझाव, जित्न सक्ने सम्भावना र जितिसकेपछि पनि अनुचित काम नगर्ने व्यक्तिलाई प्रथमिकता दिई टिकट वितरण गर्ने पार्टीको नीति रहेको उनले स्पष्ट पारे।
