बाँके\  बैजनाथ गाउँपालिकामा पशु सेवा शाखाको भवन निमार्ण कार्य शुरु हुने भएको छ ।  निवर्तमान स्थानीय सरकारले बहुवर्षिय योजना अनुसार पशु सेवा शाखाको भवन निमार्णको ठेक्का  गरेतापनि  काम भने निमार्ण कम्पनीले शुरु गरेको थिएन ।

शुक्रबार वर्तमान बैजनाथ गाउँपालिका अध्यक्ष प्रकाश बहादुर शाहीले पशु सेवा शाखाको भवन शिलन्यास गरेका छन।

शाहीले तोकिएको समयभित्र भवन निर्माण सम्पन्न गर्न निमार्ण कम्पनीलाई निर्देशन गरे ।

पशु सेवा शाखाको भनव निमार्ण गर्नाका लागि कूल ४८ लाख  ४६ हजारमा  ठेक्का  स्वीकृत गरिएको  बैजनाथ गाउँपालिका लेखा अधिकृत पूर्ण प्रसाद जैसीले जानकारी गराए ।

पशु सेवा शाखाको भनव निमार्ण गर्न  कालिका गण्डकी निमार्ण सेवाले  प्राप्त गरेको छ जैसीले भने । पशु सेवा शाखाको कार्यालय निमार्ण गर्नाका लागि ५ कठ्ठा जमिन उपलब्ध गराइएको बैजनाथ गाउँपालिका पशु सेवा कार्यालय प्रमुख खड्क बहादुर खड्काले जानकारी गराए ।