बाँके\ उम्मेदवार चयनका लागि पार्टी सभापति एवं प्रधानमन्त्री शेरबहादुर देउवाको नेतृत्वमा नेपाली कांग्रेस केन्द्रीय कार्यसम्पादन समितिको बैठक अब केहीबेरमा सुरु हुँदैछ। उम्मेदवार चयनको विषय टुंगो लगाउने गरी बालुवाटारमा बैठक बस्न लागेको हो।

आगामी प्रतिनिधिसभा र प्रदेशसभा निर्वाचनका लागि उम्मेदवार चयनको विषयमा छलफल हुने र टुंगोमा पुग्ने गरी बैठक बस्न लागेको पार्टीका मुख्यसचिव कृष्णप्रसाद पौडेलले जानकारी दिए।

प्रतिनिधिसभा र प्रदेशसभा निर्वाचनमा प्रत्यक्षतर्फ पार्टीका उम्मेदवार हुन दुई मापदण्ड तय गरेको हुनाले समाधान निकाल्न पनि सहज हुने भनिएको छ। सोमबार बसेको बैठकले नै त्यो प्रकारको मापदण्ड गरेको थियो। मापदण्डमा वर्तमान लोकप्रियता र आगामी दिनको सम्भावना हेर्ने एवं स्थानीय तहको गत चुनावमा उठेकालाई अहिले उम्मेदवार नबनाउनेसहितको निर्णय छ।

स्थानीय निर्वाचनमा अनुशासन उल्लंघन गरेका र कारबाहीको प्रक्रियामा रहेकाले आगामी निर्वाचनमा सक्रियता देखाएमा उसको काम हेरी पार्टीले फरक निर्णय लिने समेत जनाएको छ। आगामी निर्वाचनमा सक्रिय भएर पार्टीको विजय अभियानमा सहभागी हुन उनीहरूलाई पर्टीले आग्रह गरेको छ।