बाँके\जिल्ला प्रशासन कार्यालय बाँकेले आफ्नो कार्यालयबाट प्रदान हुने सेवा सुविधाको छिटो छरितो र गुणस्तरियता बनाउन थालेको छ । सेवाग्राहीलाई छिटो छरितो र प्रभावकारी सेवाका लागि प्रशासनले आफ्ना सम्पुर्ण सेवाहरुलाई प्रभावकारी बनाउन थालेको हो ।

केहीदिन अघि मात्र जिल्लाको प्रमखको रुपमा आउनुभएका दक्ष प्रशासक श्रवणकुमार पोखरेलले जिल्लामा सब भन्दा पहिला जिल्ला प्रशासन कार्यालयको सेवा प्रवाहलाई सुशासन र गुणस्तरियत बनाउनु थाल्नु भएको हो । उहाँले जिल्लाको कमाण्ड सम्हाल्ने वित्तिकै जिल्लाको शान्ति, सुरक्षा, सामाजिक सदभाव, सुशासन, सेवाको प्रभावकारितालाई विशेष योजनाका साथ काम गर्न थालेको प्रजिअ पोखरेललेबताएका छन।

उनले भने , “बाँकेमा म आउने वित्तिकै शुरुमा सामाजिक सदभावको बाताबरणलाई बलियो बनाउन विशेष पहल गरेको छु, शान्ति सुरक्षासंगै सदभावको आधार बालियो बनाउन विभिन्न निकायसंग छलफल गरेको छु र त्यसैको आधारमा योजनाका साथ अघि बढेको छु, यसमा सबैको सहयोग र साथको आवश्यकता छ ।

प्रजिअ पोखरेलले जिल्लाका विभिन्न कार्यालयहरुमा सुशासन र सेवाको गुणस्तरियतामा समेत ध्यान दिएको भन्दै पहिला आफ्नै कार्यालयको सेवा चुस्त दुरुस्त बनाएपछि मात्र अरु कार्यालयतर्फ लाग्ने योजना रहेको बताए । प्रशासले राहदानी र राष्ट्रिय परिचयपत्रको फाराम भर्न झन्झटिलो रहेकोमा अब प्रशासनले निःशुल्क फाराम भरिदिने ब्यवस्था मिलाएको हो ।

राहदानी र राष्ट्रिय परिचयपत्रको अनलाइन फाराम कार्यालय परिसरभित्रै निःशुल्क भर्नका लागि कर्मचारीलाई जिम्मेवारी दिइएको प्रमुख जिल्ला अधिकारी श्रवणकुमार पोखरेलले जानकारी गराए ।उनले भने ‘सेवाग्राहीले आफ्नो प्रमाण लिएर कार्यालयमा पुगेमा सम्बन्धित फाँटबाटै निःशुल्क फाराम भर्ने व्यवस्था मिलाइएको छ ।’ फाराम भर्नका लागि अतिरिक्त समय र ब्ययभार नलाग्ने भएपछि सेवाग्राही खुशी भएका छन् ।”

राष्ट्रिय परिचयपत्रसहित राहदानीको पनि अनलाइन फारम जिल्ला प्रशासनले नै निःशुल्क भरिदिने व्यवस्थाको सुरुवात गरिएको छ । फाराम भरेकै दिन फोटो समेत खिच्ने गरिएको छ । राजस्व रकम तिरेर एकै दिनमा सेवा पाउने प्रशासनले जनाएको छ ।

राष्ट्रिय परिचयपत्रको अनलाइन फारम पनि प्रशासनका कर्मचारीले निःशुल्क भरिदिने भएकाले एक रुपियाँ पनि खर्च नभई एकै दिनमा काम सम्पन्न हुने प्रमुख जिल्ला अधिकारी पोखरेलले बताए।

बाँकेमा हालसम्म कुल ३१ हजार ६०५ थान तयारी राष्ट्रिय परिचय पत्र प्राप्त भएको प्रशासनले जनाएको छ । त्यसमध्ये अहिलेसम्म ७६५ थान वितरण भइसकेको प्रजिअ पोखरेलले बताए । उनका अनुसार भोली बुधबारदेखि प्रत्येक दुई दिनको फरकमा ५०० जनाको नामावली समेत प्रकाशित गर्ने तयारी गरिएको छ ।