कोहलपुर\मुख्यमन्त्री कोहलपुर गोल्ड कप २०८० ‘ प्रतियोगितामा त्रिभुवन आर्मी फुटबल क्लब काठमाण्डौंले वि. एफ .सी चितवन क्लबलाई हराउँदै विजयी भएको छ।
आज शनिबार भएको चौथो दिनमा त्रिभुवन आर्मी फुटबल क्लब काठमाण्डौं र वि.एफ. सी. चितवन क्लब चितवन विच भएको खेलमा त्रिभुवन आर्मीले (३-१) गोलले पराजित गर्दै विजयी भएको हो ।
खेल सुरु भएको १० मिनेटमा वि.एफ. सी. चितवन क्लबका खेलाडिल सुजित बुढाथोकीले १ गोल गरेका थिए त्यसको विरुद्ध त्रिभुवन आर्मीका खेलाडी टंक बस्नेतले २७ मिनेट र मान बहादुर बुढामगरले ५६ र ६९ मिनेटमा २ गोल गरी ३ गोल हानेका थिए ।
त्रिभुवन आर्मीका खेलाडी टंक बस्नेतले म्यान अफद म्याज धोषित भएका थिए । म्यान अफ दा म्याच घोषित सँगै रोयल नेपालगञ्ज फुटबल क्लबका अध्यक्ष सुर्यमणी अधिकारी र तथा युवा नेतृ अञ्जना पाण्डेद्धारा बस्नेतलाई नगद रु ५ हजार रकम हतान्तरण गरिएको थियो।
त्रिभुवन कल्वले अब आईतबारको खेलमा विजयी हुने टिम संग सेमिफाइनल खेल्नेछ । भोलि आईतबार एभिनियार एफ सी क्यामरुन र दुधौली स्पोर्ट्स क्लब सिन्धुली बीच भिडन्त हुनेछ । 
प्रतियोगिताका विजेता टिमले ८ लाख र उपविजेताले नगद ४ लाख, ट्रफी र प्रमाणपत्र पाउने आयोजकले जनाएको छ ।
तस्विरः संजय मण्डल
