बाँके\ लुम्बिनी प्रदेशका मुख्यमन्त्री डिल्लीबहादुर चौधरी र सभामुख तुलाराम घर्तीमगरबीच सरकार विस्तार, हिउँदे अधिवेशन आह्वान, विषयगत समितिको सभापति चयनलगायतका विषयमा छलफल भएको छ ।
छलफलमा सरकार र प्रदेशसभाका काम कारबाहीलाई प्रभावकारी रुपमा लैजान एकापसमा समन्वय गरेर जाने विषयमा मुख्यमन्त्री र सभामुखबीच समझदारी भएको सभामुखको सचिवालयले जनाएको छ ।प्रदेशसभाको काम कारबाहीलाई प्रभावकारी बनाउन सभामा प्रतिनिधित्व गर्ने दलहरुबीच सहकार्य र सरकार गठबन्धनको विषयमा पनि छलफल भएको बताइएको छ ।
मुख्यमन्त्री र सभामुखबीच सरकार र प्रदेशसभा सञ्चालनको सन्दर्भमा नियमित रुपमा छलफल भए पनि राजधानी देउखुरी उपत्यका सरेपछि बुटवलमा भेटघाट भएको थिएन । लामो समय सरकारले पूर्णता नपाउँदा प्रदेशसभामा रहेका विषयगत समितिले समेत नेतृत्व पाउन सकेको छैन ।
