नेपालगन्ज ,बाँके: द्रुत गतिमा निर्मणाधिन नेपालगन्ज गुलरिया हुलाकि राजमार्गको सम्झौता अनुसारको रकम सरकारले समयमै निकासा नगर्दा सडक निर्माणमा ढिलाई भएको कम्पनीले बताएको छ। २ अर्व ८५ करोड रकममा निर्माणको सम्झौता गरेको निर्माण कम्पनि शर्मा एण्ड कम्पनिले हुलाकि राजमार्ग निर्माणका क्रममा बाटोमा पर्ने रुखहरु र बिजुलिका पोल हटाउने काम सम्पन्न गरिसकेको छ।
सरकारले दिनुपर्ने ३५ करोड रुपैयाँ हालसम्मपनि भुक्तानि नहुदा समस्या परेको छ। योजना अनुसारको काम गर्न नसक्दा निर्माण कम्पनी नै जनता समक्ष झुट हुन परेको शर्मा एण्ड कम्पनीका नविन शर्माको दुखेसो रहेको छ। नेपालगन्ज गुलरिया सडक अन्तरगत २७ किलोमीटर कालोपत्रे जसमध्य करिब ११ किलोमीटर चार लेन १६ किलोमीटर दुई लेनको सडक निर्माण भैइरहेको छ।
निर्माण सुरु गरेको एक बर्षमा ५० प्रतिशत काम सम्पन्न गरेको भएतापनि सरकारको ढिलाईको कारण सडक निर्माणमा ढिलाई भएको हुलाकि राजमार्ग कार्यलय बाँकेले पनि स्विकार गरेको छ। रकम अभावका कारणपनि निर्माण कम्पनीलाई भुक्तानि हुन सकेको छैन । काम द्रुत गतिमा भैइरहेको कारण समयमा नै रकम निकाशा भएमा तिन बर्षको सम्झौता भएपनि एक बर्ष अगावै सकिने हुलाकि राजमार्ग कार्यलय बाँकेका योजना प्रमुख लिला बहादुर भण्डारीको भनाई रहेको छ।
स्थानीय तहले सडक सङ्ग समन्वय नगरी हुलाकि राजमार्गमा जथाभावी हाइमाट्स लाइट राखेकाले दुर्घटनाको बढि जोखिम हुने देखिएको छ। बर्दिया खण्डको हुलाकि राजमार्गमा शौचालय र गाडि पार्किङ आवश्यक रहेकाले योजना कार्यलय ,स्थानिय तह र वन कार्यलयसङ्ग समन्वय गर्नु पर्ने देखिएको छ। नेपालगन्ज गुलरिया हुलाकि राजमार्गमा भौतिक निर्माणको काम उत्साहजनक रुपमा भैइरहेको तर बजेटको अभाव भएको देखिएकाले बजेट निकासाका लागि स्थानीय प्रशासन र सरोकारवाला निकायले पहल गर्ने प्रतिबद्धता बर्दिया प्रशासनले गरेको छ।
जिल्ला प्रशासन कार्यलय बर्दियाका प्रमुख जिल्ला अधिकारी बेद प्रसाद खरेलले आफ्नो ठाउँबाट सक्दो पहल गर्ने बताउनु भएको छ। सरकारले हचुवाको भरमा ठुला ठूला योजनाहरु सम्झौता गर्ने तर समयमा रकम निकासा नभएका कारण कयौं योजनाहरु अलपत्र छन् । बिकास निर्माणका कामहरुलाई समयमानै सम्पन्न गर्नका लागि सरकारी पक्षबाट पहल हुन नसक्नु दुखद हो। यसतर्फ सम्बन्धित निकायको यथाशीघ्र ध्यान जान जरुरि छ।
