गीतको भिडिओमा फिल्मका मुख्य कलाकारहरू रेयर राई, महेश त्रिपाठी, नीति शाह, पवन लिम्बू, नवीन मानन्धर, दीपचन्द्र कार्की (कान्छी), प्रकाश भुजेल लगायत कलाकार फिचर्ड छन्। ‘खजुरे ब्रो’ पूर्वमिस इन्टरनेशनल नीति शाहको डेब्यु फिल्म हो। यो फिल्म सुरज सुनुवारको लेखन र निर्देशनमा बनेको हो। दिव्यदृश्य इन्टरटेन्टमेन्टको ब्यानरमा बनेको फिल्ममा सुरजसहित नवीन मानन्धरको लगानी छ।

फिल्ममा बिनिता थापा मगर, सुष्मा निरौला, पुस्कर कार्की, मनिष राउत, प्रेम सुब्बा र सुजाता राई लगायतको अभिनय छ। फिल्ममा धरानका मेयर हर्क साम्पाङ अतिथि कलाकारको भूमिकामा देखिएका छन्। धरानमा छायाङ्कन गरिएको यस फिल्मलाई शिशिर बिसंखेले खिचेका हुन्। यस फिल्मलाई आगामी वैशाख २८ गतेबाट रिलिज हुँदै छ।