कोहलपुर,बाँके: नेकपा एमाले कोहलपुर नगरका १५ वटै वडाको वडा अधिबेशन सम्पन्न भए पश्चात यहि बैशाख १५ र १६ गते हुने नगर नगर अधिबेशनको चुनावी सरगर्मि बढदै गएको छ ।

नगर अधिबेशन हुने मिति नजिकै गर्दा पार्टीभित्र विभिन्न पदका आकांक्षिहरुले आफु उम्मेदवारका रुपमा उभिएको भन्दै पार्टि प्रतिनिधिहरुलाई भेट्नेदेखि पार्टि नेताहरुलाई चुनावी माहोल आफुतिर पार्न दौडधुपमा जुटेका छन । नेकपा एमाले कोहलपुर नगरको अध्यक्ष पदका लागि वर्तमान अध्यक्ष नम प्रसाद शर्मा सहित अन्य धेरैले नगर अध्यक्षको दावि गरिरहेका छन भने सचिबमा पनि धेरैको चर्चा रहेको छ ।

अध्यक्षका लागि नम प्रसाद शर्मा, कुल बहादुर भट्टराई, अनिता पौडेल र कुश्माखर बस्यालको चर्चा छ भने सचिब पदमै कोहलपुरका युवा नेता सुमन घिमिरे, मोति प्रसाद भुसाल, नवकिरण शाह र हेम कुमार रावतको नाम चर्चामा रहेको छ । अनेरास्ववियु देखि राजनीति सुरु गरेका घिमिरे अनेरास्ववियु मा.बि. कमिटी , जिल्ला कमिटि, बागेश्वरी बहुमुखी क्याम्पस स्वबियु सह सचिब हुँदै अहिले अनेरास्ववियु केन्द्रिय सदस्य पनि हुन उनी नेकपा एमालेको अहिले नगर सचिबालय सदस्य समेत रहेका छन । घिमिरे अघिल्लो नगर अधिबेशनमा सचिबको दाबेदार पनि रहेका थिए ।

नवकिरण शाह , हेम कुमाररावत र मोति प्रसाद भुषाल पनि पार्टि प्रति बफदार सिपाहिका रुपमा उदायका पात्र हुन ।
नगर अधिबेशन नजिकिदै गर्दा चर्चामा रहेका यी नाम बाहेक अन्य पनि चुनावी मैदानमा उत्रिएको नगर एमाले स्रोतले न्युज मानसरोवरलाई बताएको छ ।