बाँके:बाँकेको भेरी अस्पतालमा पहिलो पटक ठूलो आन्द्राको क्यान्सरको दूरबिन प्रविधिबाट सफल शल्यक्रिया गरिएको छ ।  बिगत डेढ वर्षदेखि पेटको समस्याले पीडित पञ्चपुले नगरपालिका–१ की ७५ वर्षीया हस्ता शर्माको भेरी अस्पतालमा रोगको डाईगोनोसिससंगै सफल शल्यक्रिया गरिएको छ ।

बिरामीका छोरा ललित शर्माका अनुसार लामो समयदेखि पत्थरी भयो भन्दै प्रदेश अस्पताल सुर्खेत, लगायत सुर्खेतका विभिन्न अस्पतालहरूमा उपचार गराउँदै आए पनि वास्तविक रोग भने पत्ता नलागे पछि भेरी अस्पतालमा आएपछि रोगको पत्ता  लागेको हो । उहाँले भन्नुभयो ,आमाको ठूलो आन्द्रामा क्यान्सर भएको डाक्टरले पुष्टि गरेको बताए ।

उहाँले‘ सुर्खेतका विभिन्न अस्पतालहरूमा उपचार गरियो सबै ठाउँमा पत्थरीको समस्या हो भन्दै औषधि गरियो तर, पीडा र समस्या जस्ताको त्यस्तै भएपछि भेरी अस्पताल पुगेर अल्ट्रासाउण्ड (भिडियो एक्सर) गर्दा केही नदेखिएपछि सिटिस्क्यानबाट मात्र वास्तविक रोग पत्ता लागेको हो ।’

शर्माले,भेरी अस्पतालमा कन्सल्टेन्ट ग्यास्ट्रो हेपाटोविलेरी तथा ल्याप्रोस्कोपिक सर्जन डा. कृष्ण मोहन अधिकारीसँग जाँच गराएपछि मात्र रोग पत्ता लागेको र डा. अधिकारी कै नेतृत्वमा आमाको दूरबिन प्रविधिबाट भेरी अस्पतालमै सफल शल्यक्रिया गरिएको जानकारी दिनु भयो ।

पश्चिम नेपालको इतिहासमा नै आन्द्राको क्यान्सरको जटिल अवस्थाको सफल शल्यक्रिया त्यो पनि दूरबिन प्रविधिबाट पहिलो पटक भएको डाक्टर अधिकारीले बताउनुभयो । उहाँले भन्नुभयो,‘ बिरामी को बायोप्सी रिर्पोटले दोस्रो स्टेजको क्यान्सर डाईगोनोसिस भएको र दूरबिनले शल्यक्रिया गर्दा लिम्फ्रो पनि १७ भन्दा बढी निस्किएको छ । धेरी ईन्डिकेटरले शल्यक्रिया सफल भएको देखिएको छ ।’ शल्यक्रियामा जनरल सर्जनहरू डा. सन्तोष सिर्पाली र कमर हसन अन्सारी, एनेस्थेसिस्ठ डा. पारस पाण्डेलगायतको टिमले सघाएको थियो ।