९ बैशाख २०८२, मंगलवार

मुख्य समाचार

विचार/ब्लग

चुम्बकले खोज्दा पनि भेटिएनन् त्रिशूलीमा खसेका बस, को को थिए यात्रु !

त्रिशूली नदीमा बाढीको चाप बढ्दै गएको, पानी धमिलो भएको, बस खसेको ठाउँ एकदमै अफ्ठ्यारो भएकाले खोज्न समस्या

न्युज मानसराेवर

काठमाडौं : नारायणगढ–मुग्लिन सडक खण्डको भरतपुर महानगरपालिका–२९ सिमलतालमा पहिरोले बगाएर त्रिशूली नदीमा खसाएका दुईवटा बस अहिलेसम्म भेटिएका छैनन् । सशस्त्र प्रहरी बल नेपाल, नेपाली सेनाको गोतखोर टोली र नेपाल प्रहरीले बस खसेको केही बेरमै खोजी सुरु गरे पनि बसको अवस्था अझै अज्ञात छ । त्रिशूली नदीमा बाढीको चाप बढ्दै गएको, पानी धमिलो भएको, बस खसेको ठाउँ एकदमै अफ्ठ्यारो भएकाले खोज्न समस्या भइरहेको सशस्त्र प्रहरीले जनाएको छ ।

सशस्त्र प्रहरी बलको विपद् व्यवस्थापन शिक्षालय कुरिनटारबाट एसएसपी माधव पौडेलको कमान्डमा अहिले ७० जनाको टोली खोजी तथा उद्दारमा खटिएको छ । तर अहिलेसम्म केही पनि फेला पार्न नसकिएको उाँले बताउनुभयो । दुर्घटनास्थलबाट करिब २ सय मिटर तलसम्म गएर गोताखोरको टोलीले खोजी गरिसके पनि बसको अवस्था पत्ता लाग्न नसकेको उहाँले जानकारी दिनुभयो । पानीको चाप अत्यधिक र धमिलो भएकाले नदीको गहिराइसम्म गोताखोर पुग्न सक्ने अवस्था छैन । त्यसकारणले चुम्बक फालेर बसको खोजी सुरु गरिएको सशस्त्र प्रहरीले जनाएको छ । त्यसैगरी हुक लगाएर पनि खोजी भइरहेको छ । लामा–लामा बाँसका भाटा तथा रडको सहायताले पनि खोजी भइरहेको सशस्त्र प्रहरीले जनाएको छ ।

सिमलतालमा आज बिहान करिब ३ बजे वीरगञ्जबाट काठमाडौंतर्फ आउँदै गरेको बागमती प्रदेश–०३–००६ ख १५१६ नम्बरको एन्जल डिलक्स बस र काठमाडौंबाट गौरतर्फ जाँदै गरेको बागमती प्रदेश–०३–००१ ख २४९५ नम्बरको बसलाई लेदोसहितको पहिरोले बगाएको थियो । तीन यात्रु पौडी खेलेर किनारामा निस्किएका थिए । दुइटा बसमा कति यात्रु थिए अहिलेसम्म यकिन हुन सकेको छैन ।

बेपत्ता ३० जना

-टिकटमा नाम उल्लेख नन्दुजी (मोबाइल नम्बर ९८०९२८८६८०) सहित ५ जना,

-अमृताजी (मोबाइल नम्बर ९८२३५२२९३९) सहित २ जना

-हरिशचन्द्र जी (मोबाइल नम्बर ९८६७७७७५७६) समेत २ जना

-शम्भु/नवीनजी (मोबाइल नम्बर ९८१९२४६८६४ ५) समेत ४ जना

-राजु पटेल (मोबाइल नम्बर ९८०४२८०१४२)

-नन्दन दास (मोबाइल नम्बर ९७०६९३४५५०)

-प्रिन्स जैसवाल (मोबाइल नम्बर ९८१२३५६७७८)

-सिकेन्द्रजी (मोबाइल नम्बर ९८२१२८७२७५)

-वकिल खा (मोबाइल नम्बर ९८१०३१४६४५)

-ओम (मोबाइल नम्बर ९८२६२०१०६२)

-राज किशोर (मोबाइल नम्बर ९८०३८३६३०९)