बर्दिया: बारबर्दिया नगरपालिका ९ बैदी चोक नजिकको मध्यवर्ती क्षेत्रमा बाघको आक्रमणमा परी स्थानीय युवा चन्द्र बहादुर कसेरा गम्भीर घाईते भएका छन् । च्याउ टिप्न गएको समयमा आज बिहान बाघले आक्रमण गरेको हो ।

उनको मुखमा गम्भीर घाउ लागेको छ । बर्दिया राष्ट्यि निकुन्जका प्रमुख संरक्षण अधिकृत डा. अशोक कुमार रामले निकुन्जको मध्यवर्ती क्षेत्रमा च्याउ टिप्न गएका बेला बाघुले आक्रमण गरेको पुष्टि गरेका छन् । घाईते युवालाई उपचारका लागि अस्पताल लगिएको छ । यसअघि पनि त्यस क्षेत्रमा बाघले आक्रमण गरेको थियो । जंगलमा घांस दाउरा लिन च्याउ टिप्न जाने क्रम नरोकिएका कारण बाघले आक्रमण गरेका घटना बर्दियामा दोहोरिदै आएका छन्