नेपालगन्ज:नेपालगन्जको पुष्पलाल चोकमा आज बुधबार बिहान भएको सवारी दुर्घटनामा परी दुई जना घाइते भएका छन् । प्रहरीका अनुसार, वा.प.०१००६ ख ४५९६ नम्बरको बसले विपरीत दिशाबाट आइरहेको सु.प.०१०१ प ९८५६ नम्बरको विद्यार्थी सवार स्कुटरलाई ठक्कर दिँदा दुर्घटना भएको हो ।
जिल्ला प्रहरी कार्यालय बाँकेका प्रवक्ता एवम् प्रहरी नायव उपरीक्षक (डिएसपी) नारायण डाँगीले घाइते विद्यार्थीको उपचार भैरहेको जानकारी दिएका छन् ।
घाइतेको टाउकोमा गम्भीर चोट लागेको बताइएको छ । बसका चालक ४८ वर्षीय पदम घिमिरेलाई प्रहरीले नियन्त्रणमा लिइसकेको डिएसपी डाँगीले बताएका छन् ।
