सुर्खेत: सुर्खेतमा फोर्स गाडी दुर्घटना हुँदा १२ जना यात्रु घाइते भएका छन् । नेपालगन्जबाट वीरेन्द्रनगर सुर्खेत जाँदै गरेको फोर्स गाडी रत्न राजमार्गको सुब्बाकुना–छिन्चु सडक खण्डमा दुर्घटनामा परेको हो ।

लु १ च ४०९१ नम्बर को फोर्स गाडी भेरीगंगा–१२ पाडुले दुर्घटना हुँदा १२ जना यात्रु घाइते भएको जिल्ला प्रहरी कार्यालय सुर्खेतका प्रवक्ता वीरेन्द्र वीर विश्वकर्माले जानकारी दिएका छन । घाइतेमध्ये दुई जनालाई गहिरो चोट लागेको वताउदै उनले घाइते सबैको प्रदेश अस्पतालमा वीरेन्द्रनगरमा उपचार भइरहेको वताए ।