नेपालगञ्ज : बाँकेका विभिन्न सामुदायिक माध्यामिक विद्यालयमा कार्यरत विज्ञान शिक्षकका लागि तीनदिने सूचना तथा सञ्चार प्रबिधि (आईसिटी ) का बारेमा तालिम आयोजना गरिएको छ ।
विज्ञान शिक्षक समाज नेपाल लुम्बिनी प्रदेश समितिले लुम्बिनी प्रविधिक विश्वविद्यालयको प्राविधिक सहकार्यमा विश्वविद्यालय परिसर नेपालगञ्जमा नै सो तालिमको सुरुवात गरिएको विज्ञान शिक्षक समाजका यमनाथ पौडेलले जानकारी दिए ।
उनले खासगरी कक्षा ९ र १० को विज्ञान तथा प्रबिधि विषयमा सूचना तथा सञ्चार प्रविधि नयाँ ईकाई भएको र विज्ञान मात्र पढाउने शिक्षकलाई सो पाठ पढाउन कठिन भएको गुनासो आएपछि लुम्बिनी प्रविधिक विश्वविद्यालयसंगको सहकार्यमा सो तालिमको आयोजना गरिएको बताए ।
उनले सो तालिमा बाँकेका सामुदायिक विद्यालयमा कार्यरत ६० जना विज्ञान शिक्षक सहभागि रहेको बताए । कार्यक्रमको उद्घाटन शत्रमा नेपालगञ्ज शिक्षा शाखा प्रमुख गोर्खबहादुर थापा, धम्बोझी मावि नेपालगञ्जका प्रअ बामदेव सुवेदीलगायतको उपस्थिति रहेको थियो ।
तीन दिनसम्म सञ्चालन हु्ने तलिमलाई लुम्बिनी विश्वविद्यालयका सहायक प्राध्यापकहरुले सहजिकरण गरि रहेका छन । तलिममा सैद्धान्तिक तथा प्रयोगात्मक कक्षा हुने छ ।
