कोहलपुर,बाँके: चितवनको भरतपुर महानगरपालिका–१३ उज्जवलनगर घर भएका एक बालक विद्यालयको हेस्टलबाटै बेपत्ता भएका छन्। भरतपुरमा रहेको सनराइज इङ्लिस बोर्डिङ स्कुलबाट एक बालक बेपत्ता भएका प्रहरीले जनाएको छ। प्रहरीका अनुसार उक्त विद्यालयमा कक्षा ५ मा पढ्ने ११ वर्षीय विद्यार्थी संयोगबहादुर पौडेल बेपत्ता भएका हुन्। मंगलबार अपरान्ह ४ बजेदेखि नै उनी सम्पर्कविहीन भएको जानकारी परिवारबाट आएको जिल्ला प्रहरी कार्यालय चितवनले जनाएको छ।

संयोगकी आमा अहिले वैदेशिक रोजगारीमा रहेका कारण बालको पढाई र रेखदेखमा सहज हुने भन्दै उनलाई विद्यालयकै होस्टलमा रोखिएको थियो। जिल्ला प्रहरी कार्यालय चितवनका डीएसपी भेषराज रिजालले बालक हराएको जानकारी मंगलबार राति आएको बताए। घटनाबारे अनुसन्धान सुरु भइसकेको उनको भनाई छ।