कोहलपुर । पाँचौ प्याब्सन अन्तर विद्यालय स्तरीय मौलिक तिज नृत्य प्रतियोगिता संचालन गरिने भएको छ । कोहलपुर नगर प्याब्सनको आयोजनामा उक्त अन्तर विद्यालय स्तरीय तिज नृत्य प्रतियोगिताको आयोजना गरिने कोहलपुर नगर प्याब्सन सचिव रेशम केसीले जानकारी गराएका छन।

आफ्नो मौलिक सांस्कृतिक जोगाउन विद्यार्थी तथा दिदी बहिनीहरुको निम्ति तिजको अवसरमा नृत्य प्रतियोगिताको आयोजवना गरिएको बताए । केसीले उक्त प्रतियोगितामा विजयी हुने विद्यालय लाई नगद सहित सम्मान गरिने उल्लेख गरेका छन।

त्यसै गरी कोहलपुर नगर प्याब्सन कोहलपुरका कोषाअध्यक्ष मित्रलाल वलीले नृत्यमा प्रथम हुने लाई नगद २० हजार दोस्रो १५ हजार , तेस्रो १० हजार र सान्तोना ५ हजार नगद तथा प्रमाण पत्र दिने निर्णय गरिएको बताएका छन।

उक्त तृत्य प्रतियोगिता आधारभूत तहका विद्यार्थीहरुको सहभागिता हुने बताइएको छ भने विद्यालयका शिक्षिका हरुको समेत नृत्य प्रतियोगिता तथा तिजको दर खाने कार्यक्रमको समेत आयोजना गरिएको कोहलपुर नगर प्याब्सनले जनाएको छ ।

उक्त नृत्य प्रतियोगिता मौलिक पनको हुने तथा छाडा शब्दहरुमा नृत्य नहुँने समेत नगर प्याब्सनले जनाएको छ। उक्त प्रतियोगितामा करिब २० देखी ३० विद्यालयहरुको सहभागिता हुने विश्वास लिइएको छ ।प्रतियोगिता यही भाद्र १५ गते भेरी शित भण्डारको सभा हलमा आयोजना गरिने कोहलपुर नगर प्याब्सनले जनाएको छ ।