बाँके\ जिल्लामा पछिल्लो दुई महिनामा २५ वटा दुर्घटनाका घटनाहरु भएका छन ।
दुर्घटनामा परी ५५ जना घाइते भएका छन् भने १२ जनाको ज्यान गएको छ । जिल्ला ट्राफिक प्रहरी कार्यालय बाँकेका प्रमुख ट्राफिक प्रहरी निरीक्षक पुष्पराज पन्तले चालु आर्थिक वर्ष २०८१र८२ को साउन र भदौ दुई महिनामा मात्र जिल्लाका विभिन्न स्थानमा २५ वटा सवारी दुर्घटना भएको र उक्त दुर्घटनामा परी ५५ जना घाइते भएका तथा १२ जना सर्वसाधारणको मृत्यु भएको जानकारी गराएको छ ।
चालु आवको साउन र भदौ दुई महिनामा मात्र ट्राफिक प्रहरीले पाँच हजार ११८ सवारीसाधन तथा चालकलाई कारबाही गरेको ट्राफिक प्रहरी बाँकेले जनाएको छ । उक्त कारबाहीबाट ४० लाख २९ हजार रुपियाँ जरिबानाबापत राजस्वसमेत सङ्कलन भएको छ ।
