बाँके\नेपाली बजारमा आज सुन र चाँदीको मूल्य बढेको छ। सुनको मूल्य प्रतितोला १६ सय र चाँदीको मूल्य प्रतितोला ४५ रुपैयाँले बढेको हो।

हिजो छापावाल सुन प्रतितोला एक लाख ४९ हजार तीन सयमा कारोबार भएको थियो। आज प्रतितोला १ लाख ५० हजार नौ सयमा कारोबार भइरहेको नेपाल सुनचाँदी व्यवसायी महासङ्घले जनाएको छ।

त्यस्तै, हिजो चाँदी प्रतितोला एक हजार आठ सयमा कारोबार भएकोमा आज ४५ रुपैयाँले बढेर एक हजार आठ सय ४५ कायम भएको छ।