कोहलपुर,बाँ:के बाँकेको कोहलपुर २ मनकामना चोकमा रहेको मनकामना पब्लिक एकेडेमीले आफनो विद्यालय प्रांगणमा खेलकुद सप्ताह कुशलतापुर्वक सम्पन्न गरेको छ । वुधवारदेखि आयोजित खेलकुद सप्ताह आज २१ गते सम्पन्न भएको मनकामना पब्लिक एकेडेमीका संस्थापक एवं प्रिन्सिपल नवकिरण शाहले न्युज मानसरोवरसंग वताए ।
विद्यालय ब्यबस्थापन समितिका अध्यक्ष ओम प्रकाश चापागाईको अध्यक्षतामा आयोजित खेल सप्ताह उदघाटन शत्रमा कोहलपुर नगरपालिका वडा नं. २ का वडा अध्यक्ष हरिसिंह कठाएत र प्याव्सन बाँकेका अध्यक्ष एम रावतले संयुक्त रुपमा विद्यार्थीहरुलाई खेल सामाग्रि हस्तान्तरण गर्दै कार्यक्रमको उदघाटन गरेका थिए ।
ओलम्पिक ज्वाल, मार्चपास,नृत्य तथा तेक्वान्द्ध खेल सहित शुरुवात गरिएको खेल सप्ताहमा एथलेटिक्स, भलिवल, फुटवल, सटपुट, रिवन,चम्चा,बेलुन दौड लगाएत तेक्वान्द्धका बिभिन्न कलात्मख खेलहरु समेत खेलाईएको विद्यालयले जनाएको छ ।
स-साना वालवालिकाहरुलाई पढाईका अलावा अतिरिक्त क्रियाकलापमा समेत दख्खल राख्ने वानिको विकास गर्न हेतु आयोजित खेल सप्ताहमा वडा अध्यक्ष हरिसिह कठायत, प्याब्सन बाँके अध्यक्ष एम रावत, नगर शिक्षा तथा युवा खेलकुद शाखा अधिकृत शिला गौतम समाजसेवी भोजेन्द्र रेग्मी, अभिभावक बुद्धि प्रसाद भट्टराई, शिक्षाप्रेमी एबं युवा व्यवसायी विरेन्द्र सिह, लगाएत अतिथिहरुले शुभकामना मन्तब्य ब्यक्त गरेका थिए ।
कार्यक्रममा कोहलपुर क्षेत्रका निजि तथा सरकारी विद्यालय क्याम्पसका शिक्षक, प्राध्यापक, पुर्व जनप्रतिनिधि, शिक्षाप्रेमी, समाजसेवी विद्यार्थीहरुको सक्रिय उपस्थिती रहेको थियो ।
भिडियो
