बाँके \राप्तीसोनारी गाउँपालिकाले आफ्नो प्रथम चौमासिक सार्वजनिक सुनवाइ कार्यक्रम सम्पन्न गरेको छ । गाउँपालिकाले आर्थिक वर्ष २०८१\ ०८२ को प्रथम चौमासिक सार्वजनिक सुनवाई कार्यक्रम सम्पन्न गरेको हो ।
उत्पीडित सामुदायिक विकास केन्द्र बाँकेको सहजीकरण तथा राप्तीसोनारी गाउँपालिकाको आयोजनामा गाउँपालिकाले प्रदान गर्ने सेवा प्रवाहमा सुशासन जवाफदेहीता सम्बन्धित सार्वजनिक सुनवाइ गरेको हो ।
प्रथम चौमासिकमा गाउँपालिकाले आर्थिक कारोबार ४५ लाख आम्दानी गरेको प्रमुख प्रशासकीय अधिकृत दान बहादुर ऐडीले बताए ।
उनले चौमासिक प्रगति विवरण प्रस्तुत गर्दै शाखागत रुपमा समिक्षा नीतिगत सुधार बजेट कार्यान्वय योजना छनोट टोल विकास समिति गठन लगाएतका कार्य योजनामा काम गर्दे आइरहेको जानकारी गराए ।
उनले नीतिगत तथा जवाफदेहीताका निम्ति गाउँपालिकाले आयोजनाहरु ठेक्का मार्फत गरिरहेको बताए । त्यसै गरी गाउँपालिका अध्यक्ष तप्त बहादुर पौडेलले गाउँपालिकाको विकास निमार्णमा सबैको सहयोग र सहकार्य हुन आवश्यक रहेको बताए ।
उनले गाउँपालिकाका सबै वडाहरुमा सम्मान विकास गर्नका लागि नीतिगत रुपमा वडामा नै बजेटको व्यवस्थापन गरिएको बताए ।
उनले किसानका उत्पादित बस्तुहरुको बजारीकरण गर्नाका निम्ति कृषि हाट बजार , कोल्ड स्टोर जस्ता आयोजनाहरु समेत निमार्ण गरिने औल्याए ।
सार्वजनिक सुनवाइ कार्यक्रममा गाउँपालिका उपाध्यक्ष मनिसा सिंह थारुले महिला तथा बालबालिकाहरुको क्षेत्रमा आवश्यक बजेट मार्फत विभिन्न कार्यक्रमहरुको आयोजना गरिएको बताईन।
उनले महिला शशत्तिकरण गर्नाका निम्ति समेत पालिका स्तरमा विभिन्न संघ संस्थाहरुसँग समन्वय सहकार्य मार्फत कार्यक्रमहरु संचालन भइरहेको बताईन। दुई सय भन्दा माथिको सहभागिता १३ बुँदे प्रतिवद्धता गाउँपालकाले जनाएको छ । सार्वजनिक सुनवाइ कार्यक्रममा विषयगत शाखाका प्रमुखहरुको समेत सहभागिता रहेको थियो ।
