बाँके\लर्ड बुद्ध एजुकेशनल एकेडेमी लिमिटेडका कर्मचारी संगठन, संघ, र युनियनले कर्मचारीहरूको हकहित र संस्थागत सुधारका लागि चरणबद्ध आन्दोलनको गरिरहेका छन।
व्यवस्थापन पक्षसँग बारम्बार वार्ता र संवादका प्रयास असफल भएपछि आन्दोलनलाई सशक्त रूपमा अगाडि बढाउन बाध्य भएको कर्मचारी युनियनका नेताहरूले बताएका छन्। श्रम ऐन २०७४ को दफा १२१ अनुसार बारम्बार मागपत्र पेश गरिए पनि व्यवस्थापनले गैरजिम्मेवार व्यवहार प्रदर्शन गरेको आरोप लगाइएको छ। हाम्रो आन्दोलन कुनै रहर नभई बाध्यता हो। व्यवस्थापनले संवादका लागि चासो नदिँदा हामी यो कठोर कदम उठाउन बाध्य भएका छौं, कर्मचारी संघका सभापति यम बहादुर खड्काले बताए ।
कर्मचारी संगठनले तलब भत्ता, पोशाक भत्ता, नाइट खाजा भत्ता, इन्चार्ज र हेभी सवारी चालकका लागि विशेष भत्ता, प्राविधिक भत्ता, क्रीटिकल केयर भत्ता, आवास तथा यातायात सुविधा, सुत्केरी सेवाबापत भत्ता, दरबन्दी सिर्जना, पदपूर्ति, पदोन्नति, स्थायी नियुक्ति, सामाजिक सुरक्षा कोष, शेयर, कर्मचारी कल्याणकारी कोष, स्वास्थ्य उपचार खर्च, र अध्ययन तथा तालिमका अवसरहरू सुनिश्चित गर्न माग गरेका छन्।
मंसिर २५ देखि ३० सम्म कालो पट्टी बाँधेर काम गर्ने, प्रशासन तथा फाइनान्स कार्यालयमा तालाबन्दी गरिएको छ, र कोणसभा सञ्चालन गरिएको हो। दोस्रो चरण पौष १ देखि प्रशासनिक कार्यालय पूर्ण रूपमा बन्द गरिएको छ भने।
पौष ३ र ४ मा ओ.पी.डी. तथा शैक्षिक कार्यक्रम आंशिक रूपमा बन्द गरिने बताइएको छ ।भने पौष ५ देखि ओ.पी.डी. र शैक्षिक कार्यक्रम पूर्ण रूपमा बन्द गरिने कार्यक्रम रहेको छ । हाम्रो आन्दोलनबाट सेवा प्रभावित हुनुहुँदैन भन्ने हाम्रो सोच हो। त्यसैले आपतकालीन सेवा र इन्डोर सेवा सुचारु रहनेछ,स्वास्थ्यकर्मी युनियनकी अध्यक्ष अनिता थापाले भनिन् ।
आन्दोलन हाम्रो अन्तिम उपाय हो। समस्याको दीर्घकालीन समाधानका लागि हामी संवाद र सहमतिका लागि तयार छौं, कर्मचारी संगठनकी सभापति रत्ना कुमारी गिरीले बताएकी छन। संघ संस्थाहरूको ऐक्यवद्धता र समर्थनप्रति आभार व्यक्त गर्दै कर्मचारी संगठनले आन्दोलन सफल बनाउन सबै पक्षसँग सहकार्यको अपेक्षा व्यक्त गरेको छ।
