बाँके\नेपालगन्ज उपमहानरपालिका स्तरीय महिला स्वास्थ्य स्वयं सेविका संघको अध्यक्षमा प्रेमा शाही सर्वसम्म निर्वाचित भएकी छन् । नेपालगन्जमा सम्पन्न एक भेलाले स्वयं सेविका शाहीको अध्यक्षतामा २३ सदस्यीय कार्यसमिति, पदाधिकारी निर्वाचित गरेको हो ।
संघको उपाध्यक्षमा शान्ति राना, सचिवमा आइला बोहरा, सह-सचिवमा इन्द्रा कार्की र कोषाध्यक्षमा सुष्मा चौधरी निर्वाचित भइन् । उपमहानगरपालिकाको प्रत्येक वडाबाट एक जना प्रतिनिधित्व हुने गरी कार्यसमिति सदस्य चयन गरिएको छ । जसको सदस्यमा राधिका थापा, कोपिला थापा, सरस्वती प्रजापती, अन्जना कुँवर राना, जया चन्द, सुशिला कुँवर, पुनम लखेर, संगिता चौहान, रञ्जना शर्मा, अन्जली शर्मा, श्याम कुमारी आर्या, सरस्वती बाहुन, ममता शर्मा र पुन सोनी रहेकी छन् ।
सदस्य चयन हुन बाँकी वडा नम्बर १९, २२ र २३ बाट छनोट भएका स्वयं सेविकालाई सदस्यमा राखिनेछ । उमहानरपालिका स्तरीय महिला स्वास्थ्य स्वयं सेविकाको निर्वतमान अध्यक्ष मनकुमारी सिलवाल सल्लाहकारमा रहेकी छन् । उपमहानगरपालिकाभित्र १ सय ६६ जना महिला स्वयं सेविका रहेका छन् ।
नवनिर्वाचित अध्यक्ष शाहीले संगठनलाई व्यवस्थित, चलयमान बनाउन विभिन्न क्षमता अभिवृद्धि मुलक गतिविधि गरिने प्रतिबद्धता ब्यक्त गरिन् । राज्यको स्वास्थ्य अवस्था सुधारमा महत्वपूर्ण योगदान दिइरहेका महिला स्वास्थ्य स्वयं सेविकाले भोग्दै आएका आम समस्या, चुनौती तथा बाधालाई समेत समाधान र सम्बन्धित निकायमा पुर्याउने उद्देश्यका साथ अघि बढ्ने उनले प्रण लिएको बताइन् ।
