कोहलपुर । कोहलपुरमा सुदरपश्चिम सेवा समाज बाँके तदर्थ समिति गठन भएको छ ।
गजेन्द्र बहादुर शाहीको संयोजकत्वमा सुदुरपश्चिम सेवा समाज तदर्थ समिति गठन गरिएको हो । समाजिक उत्तरदायित्व सांस्कृतिक संरक्षण ,मौलिक भाषाको संरक्षण, सामुदायिक एकता ,सुदरपश्चिमका जिल्लाहरुको पर्यटन प्रवद्र्धन गर्नाका लागि समाज गठन गरिएको हो ।
यसमा सुदुरपश्चिम मात्र नभएर कर्णाली जिल्लाहरुलाई समेत समावेश गरी बृह्त एकता प्रक्रिया तयारी भइरहेको संयोजक शाहीले बताए । कर्णाली तथा सुदुरपश्चिमको भाषा तथा सांस्कृतिक एकता छ , त्यसैले पनि हाम्रो सामुहिक एकता हुन आवश्यक छ सुदुरपश्चिम सेवा समाज सदस्य अज बहादुर मल्ल बताउछन। मल्ल बाजुरा जिल्लाका हुन।
समाजको औचित्य र यसले बाँके जिल्लामा खेल्ने भूमिका बारे समेत बृह्त छलफल हुने लक्षमण कुवर बताउछन। कुवर कंचनपुरका हुन । त्यसैगरी संयोजक शाहीका अनुसार समाज रुपान्तरण भइरहेको छ हाम्रा बालबच्चाहरुले हाम्रो गौरव र हाम्रा पैचान बारे समेत यो समाजले संरक्षण गर्नु प्रमुख उदेश्य हुने बताए ।
उनले बालबालिकाहरुलाई शैक्षिक सुधारका निम्ति समेत समाजले काम गर्ने बताएका छन। विस्तारै समाजले सामाजिक उत्तरदायित्व अन्तगर्त रक्तदान , आर्थिक सहयोग , सरसफाइ जस्ता विविध कार्यक्रम गर्ने उल्लेख गरेका छन।
त्यसै गरी सुदुरपश्चिम अछाम हाल बाँके निवासी बरिष्ठ पत्रकार जयनाराण शाहले समेत समाजले बाँके जिल्लाका विभिन्न ग्रामिण क्षेत्रमा समेत समुदाय सेवा विस्तार गर्नु पर्ने धारणा राखे । शाहले समाजले खेल्ने भूमिका राजनितिकरण नभइ सामुयिक एकता गरी अगाडी बढ्न आवश्यक रहेको बताए ।
त्यसै गरी बरिष्ठ अधिवक्ता लोक बहादुर शाहले कानूनी क्षेत्रमा समेत अन्जानमा फसेका सुदुरपश्चिमका नागरिकहरुलाई निशुल्क परार्मश सेवा तथा कानूनी सायता गर्न आफु तयार रहेको बताए ।
शाहले समुयिक एकता आजको आवश्यकता हो यो समाजले समाज रुपान्तरण गर्न सक्छ मेरो शुभकामना छ । त्यसै गरी नेपालगञ्ज उद्योग बाणिज्य संघका अध्यक्ष टंक धामीले समेत व्यवसायहरुका हक हित संरक्षण गर्न तथा समाजले गर्ने सेवा मुलक कार्यमा आफ्नो पूर्ण सहयोग रहने बताए । धामी अछाम जिल्ला पन्चदेवलमा जन्मेका हुन हाल उनी नेपालगञ्ज उद्योग बाणिज्य संघका अध्यक्ष छन।
