बाँके /कोहलपुर न्युरोडमा ट्राफिक सचेतना कार्यक्रम सम्पन्न गरिएको छ ।
आज कोहलपुर न्युरोड चोकमा साझ आयोजित ट्राफिक सचेतना कार्यक्रम सफलतापूर्वक सम्पन्न भएको हो ।
बाक्लो हुस्सु र कुहिरोका कारण हुन सक्ने जोखिम र दुर्घटनालाई न्यून गर्ने उद्देश्यले आयोजना गरिएको कार्यक्रममा स्थानीयहरू, ट्राफिक प्रहरी, तथा विभिन्न संघसंस्थाको सक्रिय सहभागिता रहेको थियो।
कार्यक्रममा सहभागीहरूलाई ट्राफिक नियमको महत्वबारे सचेत गराउँदै, रिफ्लेक्टिभ स्टिकर वितरण गरिएको थियो। रातको समयमा सवारी साधन सजिलै देखिने उद्देश्यले वितरण गरिएका यी स्टिकरले दुर्घटना न्यूनीकरणमा ठूलो भूमिका खेल्ने अपेक्षा गरिएको छ।
कार्यक्रममा स्थानीयवासीले ट्राफिक नियम पालनाका लागि प्रतिबद्धता जनाउँदै यस्तो कार्यक्रमले ट्राफिक व्यवस्थापनमा ठूलो सहयोग पुग्ने बताएका छन्। ट्राफिक प्रहरीका अनुसार यस प्रकारका सचेतनामूलक कार्यक्रमहरूलाई आगामी दिनमा पनि निरन्तरता दिने योजना रहेको छ।
सुरक्षित यात्रा र सवारी दुर्घटना न्यूनीकरणका लागि महत्त्वपूर्ण योगदान दिने यो कार्यक्रम सफलतापूर्वक सम्पन्न भएकामा आयोजकले सहभागी सबैलाई धन्यवाद ज्ञापन गरेका छन्।
सुरक्षित यात्रा र जिम्मेवार नागरिकको निर्माणका लागि यो कार्यक्रम उदाहरणीय बन्ने विश्वास गरिएको छ।
