बाँके\बाँकेको खजुरा गाउँपालिका वडा नम्बर २ सीतापुरले व्यावसायिक खेतीतर्फ किसानलाई आकर्षित गर्ने उद्देश्यले वडामै च्याउखेती गरी बिक्री वितरण सुरु गरेको छ ।

वडा अध्यक्ष धनराम वली क्षेत्रीले घरमै बसेर च्याउलगायतका कृषि उत्पादनबाट राम्रो आम्दानी गर्न सकिन्छ भनेर वडावासी किसानलाई सन्देश प्रवाह गर्ने उद्देश्यले च्याउखेती सुरु गरिएको जानकारी गराए । प्रति किलो १२० रुपियाँको दरले च्याउ बिक्री भइरहेको वडा अध्यक्ष वलीको भनाइ छ । पाँच सयभन्दा बढी पोका भएकाले करिब २५ क्विन्टल च्याउ उत्पादन हुने अनुमान गरिएको छ ।