बाँके\ थारु समुदायको नयाँ वर्षका रुपमा मनाउने माघिको रौनक थारु समुदायमा शुरु भएको छ । थारु समुदायले माघीलाई विशेष पर्वको रुपमा लिने गर्दछन । माघीकै अवसरमा अर्थात माघे संक्रान्तिको दिनमा थारु समुदायमा महत्वपूर्ण निर्णय गर्ने गरिन्छ ।

पहाडि समुदायमा आफ्ना नाता गोतालाई घरमा बोलाई खिचडि, तरुल ,सख्खरखण्ड आदि खुवाउने चलन रहँदै आएको छ भने मधेसमा थारु समुदायहरुले यो पर्वलाई निकै हर्षका साथ मिठा परिकारहरु ढिक्रि ,माछा–मासु तिलको लड्डु ,जाँड आदि एक आपसमा बाँडेर खाने
गर्दछन । करिब एक हप्तासम्म मनाइने माघी पर्व अन्तरगत थारु समुदायले विभिन्न कृयाकलाप गरी मनाउने गरेका छन् । नयाँ वर्षको रुपमा मनाउने यो पर्वमा थारु सामुदायले सद्भाव तथा आत्मिक प्रतिकको रुपमा समेत लिने गरेका छन् ।

पछिल्लो समय थारु समुदायको महान पर्व माघी मिलन तथा माघि महोत्सव बाँके जिल्लाका विभिन्न गाउँ बस्तिमा बनाउन शुरु गरिएको छ । बैजनाथ गाउँपालिका  स्थित माघि महोत्सव स्थल तस्विरः भगतराम थारु