बाँके\नेकपा एमाले बाँकेले टोल(टोलमा संगठन बिस्तारलाई तिब्रता दिएको छ । २०८४ सालमा हुने विभिन्न तहका निर्वाचनको तयारी स्वरुप पार्टीलाई बलियो बनाउन टोल कमिटी गठनलाई प्राथमिकतामा राखेको अध्यक्ष निरक गुरुङले जानकारी दिएका छन।
‘टोल कमिटी मार्फत सम्पूर्ण जनसमुदायलाई हाम्रो पार्टी एमालेमा जोड्ने काम गरिरहेका छौं’ अध्यक्ष गुरुङले भन्नुभयो,(‘त्यसले संगठनलाई मजबुत बनाउने काम गर्ने छ । निर्वाचन मुख्य प्राथमिकता त हो नै संधैभरि पार्टी जीवनलाई जीवन्त बनाइराख्न लागिपरेका छौं ।’ अध्यक्ष गुरुङले पार्टी गतिविधि जनस्तरमा क्रियाशिल बनाउन सबै कमिटीलाई निर्देशन दिएको समेत उल्लेख गरेका छन।
टोल कमिटी गठनकै अभियान अन्तरगत शनिबार बिहानै नेकपा एमाले राप्तीसोनारी गाउँपालिका वडा न.७ का विभिन्न टोल कमिटी गठन भएको छ ।केन्द्रीय सदस्य तथा सोही क्षेत्रका प्रतिनिधिसभा सदस्य सुर्य ढकाल,अध्यक्ष गुरुङ सहितका नेताको उपस्थितिमा विभिन्न टोल कमिटी गठन भएको हो ।
कार्यक्रम बोल्दै प्रतिनिधिसभा सदस्य ढकालले टोल कमिटी गठनका क्रममा पार्टीप्रति देखिएको आकर्षकले उत्साहित बनाएको उल्लेख गर्दै केही बिरोधिका अफवाहका पछि नलाग्न अनुरोध गरे । ‘ एमाले जनताको पार्टी हो भन्ने कुरा गाउँटोलमा गएपछि थाहा हुन्छ’ ढकालले भने ,(‘जनतामा कहिले पनि नपुगेकालाई त्यो थाहा नहुन सक्छ ।’
मोर्चा संगठन प्रमुख समेत रहेका बाँके जिल्ला उप सचिव किशोर थापाले संगठनहरुलाई जिबन्त बनाइराख्न बिभिन्न कार्यक्रम भइरहेको बताए। पार्टीसंगै जनसंगठनका गतिविधि चलायमान बनाइएको उल्लेख गरेका छन।
