कोहलपुर\आधारभूत तह कक्षा ८ तथा एसइइ को पूर्व तयारी परिक्षा आज बाट संचालन गरिएको छ ।
कोहलपुर नगर प्याब्सनमा आवद्ध आधारभूत तह कक्षा ८ तथा कक्षा १० को एसईई पूर्व तयारी परिक्षा आज बाट संचालन गरिएको हो ।

उक्त परिक्षाहरु गोरखा यूनाइटेड पब्लिक स्कुल , बाल ज्योती मा.वी साइनिङ स्टार मा.वि ,बागेश्वरी एकेडेमी , व्रिज इन्टरनेशनल स्कुल ,दिप ज्योती ,विद्याश्रम , ग्रीन पिस मा.वि भइरहेको कोहलपुर प्याब्सनका अध्यक्ष रमेश केसीले जानकारी गराएका छन।

परिक्षा विहान ७ बजे देखी संचालन गरिएको छ । परिक्षा ६ गते देखी १५ गते सम्म संचालन गरिने प्याब्सन नगर सचिव मित्रलाल वलीले जानकारी गराएका छन।परिक्षामा कक्षा ८ का कूल १ हजार १६ जना सहभागि छन भने एसइइ पूर्व तयारी कक्षामा ६ सय १८ जना रहेका छन।