कोहलपुर\ राष्ट्रिय क्रिकेट खेलका कप्तान रोहित पौडेल कोहलपुर समता स्कुलका बालबालिकासँग रमाएका छन।
कोहलपुर नगरपालिकाले आयोजना गरेको सम्मान कार्यक्रममा सहभागि जनाउन आएका पौडेल समता स्कुल कोहलपुरका बालबालिकासँग रमाएका हुन। २०७३ सालमा स्थापन भएको उक्त विद्यालयमा न्यूनतम शुल्क तथा सबै कक्षाहरुमा सम्मान शुल्कमा अध्यापन हुने गरेको छ।
पौडेललाई कोहलपुर नगरपालिका वडा नं.११ मा रहेको कोहलपुर प्रस्तावित अन्तरराष्ट्रिय क्रिकेट मैदानमा उक्त सम्मान गरिएको हो । उहाँ राष्ट्रको गहना हो त्यसैले सम्मान गरिएको कोहलपुर नगरपालिका उप मेयर संगिता सुवेदी पौडेलले भनिन ।
त्यसै गरी सम्मान कार्यक्रममा बोल्दै सामाजिक विकास शाखा संयोजक इश्वरी प्रसाद विकले स्थानीय स्तरमा खेलहरु मार्फत खेलाडि उत्पादन गरिने बताए । उनले पौडेलको आगमनले प्रस्तावित अन्तरराष्ट्रिय क्रिकेट मैदानको प्रचारप्रसार हुने विश्वास समेत व्यक्त गरे ।
कार्यक्रममा पूर्व कप्तान तथा राष्ट्रिय टिमका मुख्य खेलाडि छनोट संयोजक एल्बी क्षेत्रीले पौडेललाई धन्यवाद दिदै पौडेललेको आगमनले मैदानको शोभा बढाएको औल्याए ।
उनले महिला क्रिकेटको जन्न भूमि यही मैदान बाट भएको बताउदै यसलाई संरक्षण गर्न तिन तहका सरकारहरुको साझा धारणा हुन आवश्यक रहेको बताए ।कार्यक्रममा राष्ट्रिय क्रिकेट खेलका कप्तान पौडेलले मेहेनत गरेरे अध्यन तथा खेलमा क्रियाशिल भए उपलब्ध हासिल हुने बताएका थिए ।
