कोहलपुर \कोहलपुर नगर प्याब्सनका अध्यक्ष रमेश खत्रीले राज्यको दायित्व नीजि क्षेत्रको लगानीमा संचालित विद्यालयहरुले निर्वाह गरिरहेको बताएका छन।

उनले गुणस्तरीय शिक्षासँगै राज्यले लिने एसइइ परिक्षाको प्रतिफलले समेत उक्त कुरा सावित हुने तर्क गरे । नीजि क्षेत्रबाट संचालित विद्यालयहरुको गुणस्तर मापनमा कुनै कम्जोरी नदेखिएको औल्याए ।

अध्यक्ष खत्रीले कोहलपुर क्षेत्रमा मात्र २० हजार बालबालिकाहरु नीजि क्षेत्र बाट संचालित विद्यालयहरुमा अध्यापन गरिरहेको दावि गरे । खत्रीले देशको अर्थतन्त्र चलायमान बनाउन नीजि क्षेत्र बाट संचालित विद्यालयहरुको योगदान रहेको उल्लेख समेत गरे ।

उनले स्थानीय सरकारसँगको सहकार्यमा समेत विभिन्न सामाजिक उत्तरदायित्वका क्रियाकलापहरुमा संचालनमा नीजि क्षेत्रको सहयोग रहने गरेको बताए ।उनले यो दोेस्रो रनिङ शिल्ड प्रतियोगिता २०८१ को उद्घाटन कार्यक्रमलाई सफल बनाउन सहयोग गर्ने सबैप्रति आभार समेत व्यक्त गरेका छन।