कोहलपुर \ब्रिज इन्टरनेसनल स्कुल प्रा लि ले आफ्नो चौथो संस्थापक खेलकुद सप्ताह कार्यक्रम उद्घाटन गरेको छ ।
कोहलपुर नगरपालिका वडा नं.५ स्थित आफ्नै खेलमैदानमा विद्यालय व्यवस्थापन समितिका अध्यक्ष शिव कुमार पौडेलले आज चौथो संस्थापक खेलकुद सप्ताहको उद्घाटन गरेका हुन।
उद्घाटन कार्यक्रममा पौडेलले सबै खेलाडि विद्यार्थीहरुलाई शुभकामना दिदै उत्कृष्ट खेल प्रर्दशन गर्न आग्रह गरे।
त्यस्तै उद्घाटन कार्यक्रममा बोल्दै ब्रिज इन्टरनेसनल स्कुल प्रा लि का सञ्चालक समिर घर्ति मगरले स्वास्थ्यका निम्ति खेलकूद आजको आवश्यकता भएको औल्याए ।
विद्यालयले आधारभूत तह तथा माध्यामिक तहसम्म खेलकूद गतिविधि तथा प्रयोगात्कम शिक्षा प्रदान गर्दै आइरहेको सञ्चालक समिर घर्ति मगरले बताए । खेलकूद सप्ताह २९ गते विद्यालयको बार्षिक उत्सव तथा अभिभावक दिवसका अवसरमा भब्य रुपमा समापन गरिने समेत विद्यालय प्रशासन शाखाले जनाएको छ । ब्रिज इन्टरनेसनल स्कुल प्रा लि २०६८ सालमा स्थापना भएको हो ।
