बाँके\प्रधानमन्त्री केपी ओलीले लुम्बिनी प्रदेशसभामा सम्बोधन सुरु गरेका छन् । उनले केहीबेर अघि सम्बोधन सुरु गरेका हुन् ।
सम्बोधनमा ओलीले तीनै तहका सरकार मिलेर विकास निर्माणका कामलाई अघि बढाउनुपर्ने बताए । उनले सहकार्य गरेर नेपाललाई नेपाली आफैँले बनाउनुपर्नेमा जोड दिए ।
कुनै पनि देश अर्काले आएर नबनाइदिने बताउँदै प्रधानमन्त्री ओलीले नेपालाई पनि हामी आफैँले बनाउनुपर्ने बताए।‘ यसअगाडि छिमेकी चीन पनि गरिब मुलुक थियो,अहिले आफ्नै मेहनतले सम्पन्न भइसकेको छ ।
प्रविधि प्रयोगको ल्याकत बढाएर आफैँले देशको विकास गर्नुपर्छ ।’ उनले उद्योगहरू स्थापनाका लागि लगानी विस्तार गर्नुपर्ने समेत बताए । त्यसका लागि सरकारको तर्फबाट सहजीकरण गर्नु तयार रहेको समेत उनले बताए ।
