बाँके\ शिक्षा तथा मानव श्रोत विभागले १४ औ नेपाल राष्ट्रिय शिक्षक संघ बाँकेको निर्वाचित पदाधिकारीलाई सम्मान गरेको छ ।
नेकपा एमाले जिल्ला पार्टी कार्यालयमा एक कार्यक्रमको आयोजना गर्दै विभागले जिल्ला समिति, केन्द्रीय प्रतिनिधि ,निवर्तमान अध्यक्ष ,शिक्षक महासंघका अध्यक्ष र पालिका कमिटी अध्यक्ष लाई सम्मान गरेको हो ।
त्यसै गरी नेपाल राष्ट्रिय शिक्षक संघका निवर्तमान अध्यक्ष रेखा धिताललाई समेत सम्मान गरेको छ ।
नेकपा एमाले केन्द्रिय सदस्य तथा बाँके इन्चार्ज शान्ति ढकालको प्रमुख अथितिमा उक्त सम्मान गरिएको हो । कार्यक्रममा आफ्नो धारणा राख्दै प्रमुख अथिति शान्ति ढकालले शिक्षा तथा मानव श्रोत विभाग नेकपा एमाले बाँकेको उत्कृष्ट विभागका रुपमा स्थापित भएको बताइन। उनले विभागले हाल सम्म गरेका कार्य सम्पादन उल्लेखनीय रहेको समेत बताइन।
उनले नेकपा एमालेसँग शिक्षा क्षेत्रका शैक्षिक व्यक्तित्वहरुको क्षमता विकास शिक्षा क्षेत्रमा रहेका समस्या बारे अन्तरक्रिया समेत गरेको प्रति धन्यवाद समेत व्यक्त गरिन।कार्यक्रममा विशिष्ट अथिति संघिय सांसद तथा संसदिय शिक्षा समिति सदस्य दिपा शर्माले विद्यालय शिक्षा विधेयक यही सरकारले ल्याउने बताइन। उनले शिक्षकहरुको अधिकार सुनिश्चित गर्दै विद्यालय शिक्षा ऐन ल्याइने जानकारी गराईन। कार्यक्रममा एमाले जिल्ला अध्यक्ष निरक गुरुङले समेत आफ्नो धारणा राखेका थिए ।
त्यसै गरी नेपाल राष्ट्रिय शिक्षक संघगठन केन्द्रय सदस्य तथा बाँके इन्चार्ज बामदेव सुवेदी केन्द्रिय उपमहासचिव एकदेव पन्थी , बर्तमान अध्यक्ष बाबुराम अधिकारी लगाएतले विभागले गरको सम्मान प्रति धन्यवाद व्यक्त गर्दै वर्तमान सरकारले शिक्षा क्षेत्रमा देखिएका समस्याहरुको पैहिचान गर्दै उचित रुपमा समाधान गर्ने तर्फ शिक्षकहरुले विश्वास रहेको औल्याए थिए ।
विभागका प्रमुख सुर्य रोकायाले शिक्षकहरुका समस्याहरुको पैहिचान र सम्बन्धित पक्षहरुसँग अन्तरक्रिया गर्दै समस्याहरु समाधान गर्न विभाग लागिरहेको बताए । रोकायाले पार्टीलाई यहाँसम्म ल्याउन शिक्षकहरुको भूमिका महत्वपूर्ण रहेको स्मरण समेत गरेका थिए ।
