काेहलपुर / काेहलपुरमा एसईईमा सहभागी विद्यार्थीहरूलाई गणित विषयमा क्षमता विकास कार्यक्रम सम्पन्न गरिएकाे छ । 
प्याब्सन काेहलपुरकाे आयाेजना तथा बेदान्त पब्लिकेसन काठमाडौँकाे सहजीकरणमा क्षमता विकास गरिएको हाे ।काेहलपुर नगरका १७ वटा माध्यमिक तह विद्यालयका ६ सय ५३ जना विद्यार्थीलाई गणित विषयमा क्षमता विकास गरिएकाे हाे ।
गणित विषयका लेखक हुकम प्रसाद दाहल उक्त क्षमता विकासकाे सहजीकरण गरेका थिए ।कार्यक्रममा जिल्ला प्याब्सनका मुख्य सल्लाहकार तथा कार्यक्रमका प्रमुख अतिथि यम बहादुर रावतले गणित विषयकाे क्षमता विकास कार्यक्रमले विद्यार्थीहरूमा आत्मविश्वास बढ्ने विश्वास ब्यक्त गरे ।रावतले मेदान्त पब्लिकेशनका लेखक हुकुम प्रसाद दाहाललाई धन्यवाद समेत व्यक्त गरे ।
कार्यक्रमका अध्यक्ष तथा प्याब्सन काेहलपुरका अध्यक्ष रमेश केसीले नगर प्याब्सनले काेहलपुर क्षेत्रमा प्याब्सनले विभिन्न गतिविधि संचालन गर्दै आईरहेकाे बताए। उनले सामाजिक जिम्मेवार बहन गर्दै काेहलपुरकाे विकास तथा शैक्षिक क्षेत्रमा याेगदान गरिरहेकाे दावि समेत गरे ।
केसीले आजकाे क्षमताअभिबृद्वि कार्यक्रमले गणित विषयमा मात्र नभएर अन्य विषयहरूमा समेत सहजीकरण हुने विश्वास ब्यक्त गरे ।कार्यक्रममा प्याब्सन नगर उपाध्यक्ष समीर घर्तीले स्वागत गरेका थिए भने कार्यक्रम संचालन प्याब्सन नगर सचिव मित्रलाल वलीले गरेका थिए ।
