बाँके\ हिजो शनिबार प्युठानमा भएको जिप दुर्घटनामा परी मृत्यु भएका परिवारलाई स्थानीय सरकारले नगद राहत दिने निर्णय गर्नुका साथै उनीहरुको शोकमा एक दिन बिदा दिएको छ।

गौमुखी गाउँपालिकाले राहत र बिदाको निर्णय गरेको हो। दुर्घटनामा सो गाउँपालिकाका सातसहित आठ जनाको ज्यान गएको थियो। नौबहिनी गाउँपालिकाबाट बेहुली लिएर फर्कँदै गरेको जिप लिवाङको ओखरपाटा नजिकै दुर्घटना हुँदा गौमुखी गाउँपालिकाका सात जना र नौबहिनी गाउँपालिकाका एक जनाको ज्यान गएको थियो।

दुर्घटनाले सिंगो गाउँपालिका शोकमा डुबेको भन्दै आज बिदा दिइएको अध्यक्ष विष्णुकुमार गिरीले जानकारी दिए।