नेपालगञ्ज : कोहलपुर १० हाईस्कुल चोक नजिकै नेपालगञ्जबाट कोहलपुर तर्फ आउदै गरेको चालक जिल्ला सुर्खेत गुर्भाकोट न.पा. वडा नं. १ बस्ने बर्ष ३६ को बिकास शाहीले चलाएको लु २ च ७५२० नं.को बलेरो पिकअप जिपबाट चीनी ५० केजी, सनमुन चामल २६ के.जि. र सुपर पावर सुर्ती ८ बोरा गरी करिब रु २ लाख ४२ हजार ५ सय बराबरको सामान बरामद गरिएको हो ।
गाडी चालक शाहीले चलाएको लु २ च ७५२० नं.को बलेरो पिकअप जिपलाई शंका लागि चेकजाँच गर्ने क्रममा चालक संग भे १ च २२१० नं. को गाडी को बिलबुक भएकोले नम्बर प्लेटमा शंका लागि हेर्दा उक्त गाडीको अगाडी पछाडी नै भे १ च २२१० नम्बरको नम्बर प्लेट माथिबाट लु २ च ७५२० नम्बरको नम्बर प्लेट टाँस गरेको पाईएको र उक्त गाडीमा निम्न परिमाणको अबैध बिल भरपाई नभएको माल सामानहरु फेला पारी नियन्त्रणमा लिएको प्रहरीले जनाएको छ । गाडी र सामान नियन्त्रणमा लिई आवश्यक कारवाहीका लागि भन्सार कार्यालय पठाइएको छ ।
