बाँके बैजनाथ। बैजनाथ गाउँपालिकाले आर्थिक बर्ष २०७७\०७८ को बार्षिक समिक्षा सम्पन्न गरेको छ । पालिकाले समग्र गाउँपालिकाका शाखागत आयोजनाको बार्षिक समिक्षा गरेको हो । ८ गते बाट शुरु गरिएको बार्षिक समिक्षा आज सम्पन्न गरिएको हो । बैजनाथ गाउँपालिका अध्यक्ष मान बहादुर रुचालले आर्थिक बर्ष ०७७।७८ मा संचालन भएका आयोजनाहरु विविध कारणले आएका समस्याहरु लाई न्यूनिकरण गर्दै आगामी बर्ष मा सुधार गर्नु पर्ने बताएका छन।
रुचालले वडागत रुपमा संचालन भएका अयोजनाहरुको जिम्मेवारी कर्मचारी र निर्वाचित जनप्रतिनिधिले लिनु पर्ने बताउदै अबको दिनहरुमा आयोजनाहरुमा देखिएका समस्या समाधान गर्न सबैले दाहित्व बहन गर्न आवश्यक रहेको बताएका थिए । समिक्षा कार्यक्रममा समग्र पालिका स्तरीय शाखहरुले प्रगति विवरण प्रस्तुति राखेका थिए ।
समिक्षा कार्यक्रममा वडा अध्यक्षहरु कार्यापालिका सदस्यहरु शाखा प्रमुख , कर्मचारी लगाएतको सहभागिता रहेको थियो । योजना अधिकृत डोटि नेपालीले जानकारी गराएका छन ।
