भेरी अस्पताल नेपालगन्जको प्रयोगशालामा गरिएको परिक्षणमा बाँकेसहितका थप ५१ जनामा कोरोना संक्रमण देखिएको छ । पछिल्लो २४ घण्टामा अस्पतालको प्रयोगशालामा परिक्षण गरिएका ३०१ स्वाबको नमुना मध्ये ५१ जनामा कोरोना देखिएको अस्पतालले जनाएको छ ।अस्पतालले सोमलबार बेलुकी ५:५५ बजे जारी गरेको अद्यावधिक अनुसार बाँके, बर्दिया, सुर्खेत, कैलाली लगायतका जिल्लाका थप ५१ जनामा कोरोना पुष्टि भएको हो ।