कोहलपुर \डाईनामिक युवा क्ल्ब कोहलपुर बाँकेका युवाहरुले कोहलपुर ३ आगलागी पिडितलाई राहत उपलब्ध गराएका छन। कोहलपुर ३ का स्थानीय बासिन्दा तुल बहादुर बुढाको घरमा विद्युतको तार सट भएर गयराती आगलागि भएको थियो ।
आगलागि बाट घर पुर्ण रुपमा क्षती हुनुका साथै भाडामा बस्दै आएकी गिता परियारको सम्पुर्ण सामान जलेर नस्ट समेत भएको थियो ।
आज स्थानीय डाईनामिक युवा क्ल्बका कार्य समिति सदस्य तथा साधारण सदस्यहरुले देउसी भैलो बाट प्राप्त रकम बाट गिता परियारलाई राहत सामाग्री बितरण गरेका हुन। राहतमा सामाग्रीमा खाद्यान्न शिरक डसना लगाएत अन्य सामाग्री रहेको बताइएको छ ।
सामाग्री हस्तान्तरण कार्यक्रम बोल्दै कोहलपुर नगरपालिका ३ का वडा अध्यक्ष माधब रिजालले विपतमा सहयोगी बन्दै आएको डाइनामिक युवा क्ल्ब धन्यवाद दिए । उनले यसरी समाजमा पर्ने विपतमा अन्य सामाजिक क्लब , संघ ,संस्थाहरुले समेत सहयोग गर्ने विश्वास व्यक्त
गरे । रिजालले यस्ता क्ल्ब ,संस्थाहरु लाई सबै समुदायहरुले सहयोग गर्नु पर्ने धारणा समेत राखे ।
विपतमा यसरी सहयोग गर्न पाउँदा आफुहरु हर्षित भएको क्लबका पूर्व अध्यक्ष पदम नारायण श्रेष्ठले बताए । हामी एउटै समुदायमा बस्छौँ।’ एक अर्कालाई विपतमा सहयोग गर्ने बानीको विकास हुन आवश्यक छ।’श्रेष्ठले भनेका छन। त्यस्तै आगामी दिनमा वडामा भएका हरेक क्रियाकलापमा युवाहरु सक्रिय रुपमा सहभागी हुने क्लबका अध्यक्ष भुवन भट्टराईले भनेका छन। राहत बितरण कार्यक्रममा कोहलपुर नगरपालिका वडा नम्बर ३ वडा सदस्य हरिलाल जैसी स्थानीय युवा हरु स्थानीय लगायतको सहभागीता रहेको थियो ।
