६ चैत्र २०८०, मंगलवार

बाँकोम कांग्रेसको प्रथम प्रदेश सम्मेलन सुरु
  • न्युज मानसराेवर

बाँके\नेपाली कांग्रेस पार्टीको लुम्बिनी प्रदेश सभास्तरीय पहिलो सम्मेलन बाँकेको कोहलपुरबाट सुरु भएको छ।

कांग्रेस बाँके क्षेत्र १ प्रदेश (ख) कार्यसमितिले सो सम्मेलनको आयोजना गरेको हो। उक्त अवसरमा कांग्रेसका सहमहामन्त्री किशोरसिंह राठौरले पदका लागि मात्र राजनीति नगर्न नेता तथा कार्यकर्तालाई आग्रह गरेका छन।

उनले राजनीति पद मात्र नभई समाजसेवा र देशसेवा पनि भएको बताएका छन।

“जसले समाजसेवाको भावले राजनीति गर्छ, त्यसले एक दिन पद र प्रतिष्ठा पनि अवश्य हासिल गर्छ। पदकै निम्ति राजनीतिमा आउनेहरू सफल हुन नसकेका धेरै उदाहरण छन्,” कांग्रेस पार्टी बाँके जिल्ला सभापति नारायण प्रसाद गौडेलले पार्टीलाई अनुशासित बनाउने गरी आफूले काम गरिरहेको बताए । प्रदेश ‘ख’का सभापति बलराम शर्माले कांग्रेस पार्टी जनताको सेवामा समर्पित भएको उल्लेख गरेका छन।

कांग्रेस क्षेत्र नं. १ का क्षेत्रीय सभापति पोषण केसी, कांग्रेसका लुम्बिनी प्रदेश सदस्य अञ्जना पाण्डे, महासमिति सदस्य फुलाराम थारू र कोहलपुर नगर सभापति वीरेन्द्रकुमार शाहलगायतले विचार राख्नुभएको थियो।

  • ९ चैत्र २०७९, बिहीबार प्रकाशित

  • Nabintech