कोहलपुर,बाँके: बाँकेको कोहलपुर नगरपालिका नगरकार्यपालिका नजिकै बोलेरो गाडिले ले ई रिक्सालाई ठक्कर दिँदा ३ जना घाइते भएका छन्। अटो चालक बाँकेको नेपालगन्ज २२ बस्ने वर्ष २० को इजराय खान, अटोमा सवार कोहलपुर २ बस्ने वर्ष ३० की बिजुली शाही र सोही ठाउँ बस्ने वर्ष ११ को सौगात सिंह घाइते भएको प्रहरीले जनाएको छ ।
कोहलपुर सुर्खेत सडक खण्डमा नेपालगन्जबाट सुर्खेततर्फ जाँदै गरेको लु ३ च ८६२९ नम्बरको बोलेरोले र वितरित दिशाबाट आउँदै गरेको ने १ ह ३४१० नम्बरको ई रिक्सालाई ठक्कर दिएपछि उक्त सडक दुर्घटना भएको हो । घाइतेहरुको अवस्था सामान्य रहेको भएपनि घटनाको थप अनुसन्धान भइरहेको प्रहरीले जनाएको छ।
यसैबिच बर्दियामा हाइसको ठक्करबाट साइकल यात्री बाँसगढी नगरपालिका वडा नम्बर ७ डेउढाकला बस्ने वर्ष ६५ को गदुल थारुको मृत्यु भएको छ । बाँसगढी नगरपालिका वडा नम्बर ३ लखना स्थित पूर्वपश्चिम राजमार्ग अन्तर्गत पश्चिमबाट पूर्व तर्फ जाँदै गरेको लु प्र ०३००१ ख ००३८ नम्बरको हाईस गाडीले साइकल यात्रीलाई ठक्कर दिएपछि गम्भीर घाइते थारुको उपचारकाक्रममा नेपालगञ्ज मेडिकल कलेज कोहलपुरमा मृत्यु भएको प्रहरीले जनाएको छ।
गाडी चालक कैलाली गोदावरी ७ बस्ने वर्ष ४० को कृष्ण बहादुर दमाईलाई प्रहरीले नियन्त्रणमा लिएको जनाएको छ भने घटनाको थप अनुसन्धान जारी रहेको समेत प्रहरीको भनाई रहेको छ।
