कोहलपुर,बाँके:ईलाका प्रहरी कार्यालय कोहलपुरले लागु औषध ब्राउन सुगर सहित २ जनालाई नियन्त्रणमा लिएको छ । लागु औषध ब्राउन सुगरको बिक्रि वितरण गरिरहेको भन्ने गोप्य सुचनाको आधारमा कोहलपुर ६ रझेना गाउबाट प्रहरीले रामचरण थारु र सन्देश थारुलाई लागु औषध ब्राउन सुगरको पुडिया बनाउदै गरेको अवस्थामा पक्राउ गरेको हो ।
उनीहरुवाट लागु औषध ब्राउन सुगर जस्तो देखिने धुलो पदार्थ प्लाष्टिक सहित तौल गर्दा १ ग्राम ३६ मिलिग्राम र प्लाष्टिक हटाई शुद्ध तौल गर्दा १ ग्राम २९ मिलिग्राम ब्राउन सुगर समेत वरामद गरेको ईलाका प्रहरी कार्यालय कोहलपुरले जनाएको छ ।
आज शुक्रवार दिउसो करिव साढे २ वजे बाँके कोहलपुर नगरपालिका वडा नं ५ रझेना गाँउ ब्यास मन्दिर स्थित कोहलपुर नगरपालिका वडा न. २ बर्दहवा गाँउ बस्ने बर्ष २५ को रामचरण थारु र सोहि वडा नं ६ रझेना गाँउ बस्ने बर्ष २३ को सन्देश थारु लागु औषध सहित पक्राउ परेका हुन ।
पछिल्लो समय कोहलपुर आसपासमा लागु औषध प्रयोगकर्ता र विक्रि वितरण गर्नेहरुको संखयामा बृद्धि हुदै गएको छ । कोहलपुर ११ क्रिकेट मैदान आसपास कोहलपुर वडा नं. ५ कार्यालयको आसपास र पुरानो बसपार्क क्षेत्रमा लागु औषध प्रयोगकर्ताहरु लागु औषध सेवन गरेर वरालिंदै हिडने गरेको पाईन्छ ।
