सुर्खेत\कर्णाली प्रदेशको राजधानी वीरेन्द्रनगरमा आउँदो जेठ ३ गतेदेखि दशौं राष्ट्रिय खेलकुद प्रतियोगिता हुँदैछ । यसअघि पटकपटक प्रतियोगिताको मिति सारेर जेठमा पुर्याइएको हो ।
जेठमा पनि प्रतियोगिता होला कि नहोला भन्ने संशयबीच रंगशाला निर्माणको काम भने करिब पूरा भएको छ । प्रदेश सरकारले झण्डै पौने दुई अर्ब खर्चेर सुर्खेतको वीरेन्द्रनगरमा निर्माण गरेको रंगशालाले दशौं राष्ट्रिय खेलकुद पर्खिरहेको छ ।
