बुटवल\ प्रमुख प्रतिपक्षी नेकपा एमाले उपाध्यक्ष विष्णु पौडेलले रूपन्देही विकासमा निकै अगाडि रहेको दाबी गरेका छन्। बुटवलको कालिका मानवज्ञान माविमा शुक्रबार आयोजित कानुन विद्यार्थी समाजको पद हस्तान्तरण कार्यक्रममालाई सम्बोधन गर्दै उनले यस्तो बताएका हुन्।

भौतिक र पूर्वाधार विकासका हिसाबले रूपन्देही देशकै नमूना बनेको उनको भनाइ छ। अरू कसैले कल्पना गर्न नसकेको विकास रुपन्देहीमा भएको उनले दाबी गरे।

मुलुकको शैक्षिक केन्द्रका रूपमा रूपमासमेत रूपन्देहीलाई अगाडि बढाउने गरी काम भइरहेको उनले बताए।पूर्वउपप्रधानमन्त्रीसमेत रहेका पौडेलले शैक्षिक विकासमा कालिका मानव ज्ञानको योगदान उच्च रहेको जनाउँदै उनले यसले मुलुकमै उत्कृष्ट पहिचान बनाउन सफल भएको उल्लेख गरे।