बुटवल\नेकपा माओवादी केन्द्रका केन्द्रीय सल्लाहकार भानुप्रकाश श्रेष्ठ र प्रदेश कमिटी सल्लाहकार शिवप्रसाद गैरे एमाले प्रवेश गरेका छन् । सल्लाहकारद्वयलाई एमाले उपाध्यक्ष तथा पूर्वअर्थमन्त्री विष्णु पौडेलले शनिवार पार्टीमा स्वागत गरेका हुन् ।

उनीहरू २०५७ मा द्वन्द्वकालमा एमाले छाडेर माओवादी प्रवेश गरेका थिए । पुरानै घरमा फर्किन पाउँदा खुसी भएको श्रेष्ठले बताए । उनीहरूलाई पार्टीमा स्वागत गर्दै पौडेलले पुराना नेताहरूले एमाले प्रवेश गरेकोमा खुसी व्यक्त गर्दै उचित जिम्मेवारी दिइने बताए । एमाले केन्द्रीय अनुशासन आयोगका उपाध्यक्ष नेत्र पन्थीले एमाले प्रवेश गरेका नेताहरू ठूला संघर्ष गरेका नेताहरू रहेको बताए ।